O le osofa’iga a Isaraelu i Gaza i le aso ananafi ua lipotia ua fasiotia ai le silia i le 100 o tagata ma faaleagaina ai ma le falema’i e tasi sa faaauau pea ona faaaogā i le itu i Matu o Gaza.
Ua lipotia i le CNN sa faia talanoaga a sui o Isaraelu ma le Hamas i le faai’uga o le vaiaso i Qatar peita’i e foliga e le’i taunuu i se taunuuga lelei.
Fai mai se tasi sui mai Isaraelu i lipoti a le CNN afai e manana’o le Hamas e talanoa i le faaumaina o le taua e ao ona siilima ane ma ua o latou nofo sauni foi iai.
Ta’ua foi e Isaraelu o le latou operation lea ua amata faagasolo e faaigoa o le Gideon’s Chariots lona uiga o Kariota a Kitiona.
Ua faailoa i lipoti a Malo Aufaatasi o le popolega ona o tagata lautele lea o loo aafia soifua i osofa’iga a Isaraelu ma o nisi o aiga ua maliliu uma mai nei osofa’iga.
Puna o Faamatalaga: https://edition.cnn.com/2025/05/18/middleeast/israel-gaza-peace-talks-millitary-operation-intl
