Ua iai le aufaigaluega a le ofisa o Amerika i Iraq faatasi ma o latou aiga ua aveesea mai nei mai lea atunuu ona o le faatupula’ia pea o tulaga faapopoleina mo lo latou saogalemu.
O le faamatalaga lata mai o le matāupu lea ua ta’ua ai e lē o mailoa tonu le mafua’aga o le aveesea mai o i latou ia ae o ni nai aso ua tuana’i atu sa faataunuu ai talanoaga e faatatau i le polokalame faaniukilia a Iran.
Fai mai se sui o le ofisa o Amerika i le BBC o loo latou mata’itūina le matāupu ma e fua ia latou iloiloga mulimuli nei ua faia ai le faai’uga e ao ona tuuitiitia la latou misiona i Iraq.
O loo manana’o Amerika ina ia taofia Iran mai le una’ia pea o le faateleina o le uranium lea e faaaogā e gaosia ai pomu niukilia, e fesuia’i ma le faaitiitia o sā tau le tamaoaiga i luga o lea atunuu, peita’i la ua lipotia le faamatalaga mai le minisita o le puipuiga a Iran o Aziz Nasirzadeh o le a tetee atu lona atunuu ia Amerika ma nofoaga autū a Amerika i lo latou faaitu pe afai e lē manuia talanoaga o loo faagasolo aemaise pe afai e toe poloa’ia e Trump le osofa’ia o Iran.
Ua ta’ua e le BBC pe ā ma le 2500 fitafita a Amerika o loo faamautū i Iraq pei ona faamaonia mai e le matāgaluega o le puipuiga.
Puna o Faamatalaga: https://www.bbc.com/news/articles/c629yk5z07vo
