O le asō lea ua feta’ua’ina ai i lipoti le aga’i ane o se sui sinia o Malo Aufaatasi i Iran mo faatalanoaga ae e lē o iai se faamatalaga e faatatau i le asia o nofoaga faaniukilia, e pei ona saunoa ai le minisita o le va i fafo a Iran, Abbas Araghchi.
Talu mai lava osofa’iga a Amerika ia Iran, e le’i toe maua lava se asiasiga poo se faamatalaga mai lea faaitu se’i vaganā la le taimi lenei lea o le a faimalaga ai iai se sui mai Malo Aufaatasi mo faatalanoaga.
Ua ta’ua i le lipoti a le BBC e lē o fiafia Iran i le lālā lea o Malo Aufaatasi e nafa ma su’esu’ega ia ona o loo iai nisi faamatalaga fe’avea’i se’i vaganā ua malilie ane le Tehran Supreme National Security Council.
Puna o Faamatalaga: https://www.9news.com.au/world/iran-says-un-nuclear-watchdog-official-will-visit-country-for-talks-but-no-inspections-planned/e609b76f-f04e-4e34-8641-5a8932994a5e
