Ua sainia e le Peresetene o Iran o Masoud Pezeshklan le tulafono ua faamuta ai loa le galulue faatasi o le atunuu ma le International Atomic Energy Agency le IAEA.
O se gaioiga e foliga o le a lē manino ai nisi o taumafaiga a Tehran e toe tau amata lana polokalame faaniukilia.
Ua faatino le ioeina o le tulafono lea ina ua mae’a pasia i le vaiaso na te’a nei lea na tuua’ia ai e Iran le ofisa lea o le IAEA i le galulue faatasi ma Isaraelu ma saunia ai se ālafua mo le faatino ane o ni osofa’iga i nofoaga faaniukilia, o se tuua’iga o loo teena e lea ofisa.
E lē mailoa la poo le ā tonu le faatinoina o le faamamaluina o lea tulafono fou ae ua faailoa e le CNN o se auala lea e ono toe amata ai le fausiaina o le polokalame faaniukilia e aunoa ma se toe asiasia e le IAEA.
Ua faailoa e Siamani o le gaioiga ua faia e le Peresetene o Iran e fai si ogaoga o ona faailoaga ua vaai atu iai ona e tatau lava ona galulue faatasi ma le IAEA.
Puna o Faamatalaga: https://edition.cnn.com/2025/07/02/middleeast/iran-suspending-cooperation-iaea-intl
