Ua matua’i siitia gaioiga a le faigamalo a Iran e ave faamalosi pe fasiotia foi tusitala ma isi i tofiga faapolokiki e pei ona lipotia mai e nisi o ofisa su’esu’e.

I le UK ua fesiligia e leoleo nisi o tagata Iran e masalomia lo latou fuafuaina o se osofa’iga faaterorisi e talitonu le BBC e foliga sa fuafuaina ia osofa’iga mo le ofisa o Isaraelu i Lonetona.

Ua ta’ua i lipoti a le BBC o loo iai faamaumauga a le faamasinoga mai Take faapea foi ma Amerika o loo faamauina ai faamaoniga i le faafaigaluega e Iran o kegi solitulafono e faatinoina le fasiotia o tagata i fafo mai o lo latou atunuu e ui sa o latou teena ia tuua’iga i le taimi ua sola.

O se tasi o igoa taatele i nei su’esu’ega o Naji Sharifi Zindashti, o se tasi o ta’ita’i o kegi i Iran e iloa tele i le feavea’iina faavaomalo o fualaau faasāina.

Fai mai le lipoti talu mai le 2022 ua faateteleina ia tulaga tau solitulafono i le atunuu o Iran ma o loo tulituliloa foi e nisi o le autusitala.

Puna o Faamatalaga: https://www.bbc.com/news/articles/c308p0rjq9zo