Ua ioeina ma faamaonia nei e se alii fitafita Niu Sila, lona faamatuu atu o ni faamaumauga ma’ale’ale tau militeri a le atunuu i se isi tagata na ia manatu o se sooupu mai se atunuu i fafo.
Ma le lē iloa e lenei fitafita, o lea sooupu o se tasi o loo aofia i se osofa’iga faia faasaga ia te ia ma maua ai o ia ma ana gaioiga o loo faia nei.
Māua i sa’ili’iliga na maua foi le umiaina e le fitafita o ni ata pu’e poo se video, o loo faailo ai le faalavelave lea na tula’i mai i le tausaga 2019 i Kalaiesitete i le fale tapua’i a le ‘au Musalemi, ma o loo ia umia foi faamaumauga o faamoemoega ma anavatau a lē na faatupu faalavelave ma fasiotia se’i tulou, le to’atele o tagata tapua’i i lea malumalu i Kalaiesitete.
I le taimi nei o loo taofia ona faailoa lona igoa i le taimi nei, ae ua faamaonia lona ioeina o moliaga o le taumafai e mata’itū faasolitulafono faamaumauga e ono lepeti ai le saogalemu o le atunuu, le attempted espionage ma le maua ma le lē faamaoni o se masini komepiuta “dishonestly accessing a computer system” ma lona umia ai o faamaumauga e ono lepeti ai le nofo filemu o tagata lautele poo le vaega ua ta’ua o le “possessing an objectionable publication.”
Ua faamauina i lipoti, o moliaga o le taumafai e mata’itū faasolitulafono faamaumauga e ono lepeti ai le saogalemu o le atunuu na amata faatino e lenei fitafita i le va o le aso 5 ma le aso 12 o Tesema o le tausaga 2019, ina ua faamatuu atu e ia faamaumauga i le sooupu sa ia faapea o se tasi e mai se atunuu i fafo.
Ta’ua o le vaai o faamaumauga na faamatuu atu e masalo, o le taumafai lea e faaleaga ma upuia tulaga o iai le saogalemu ma le tulaga o le malupuipuia o Niu Sila.
Puna o Faamatalaga: https://www.rnz.co.nz/news/national/570306/soldier-admits-handing-over-sensitive-information-to-person-he-thought-was-foreign-agent
