Ua ioe nei e se alii 34 tausaga le matua lona faatino ai o se soligatulafono o lona fasiotia ai o se pepe ma lona faaoolima i se tamaitai ma se isi foi tamaitiiti, i le aso o le tausaga fou o lenei tausaga.
O lenei matāupu na tula’i mai i le itu o Hamilton, ma e māua i lipoti mai le Newtalk ZB o le tasi o tagata aafia poo le tamaitai na āfaina lona ua ina ua tui e lea alii se’i tulou.
O le asō lea na tula’i ai lea alii i luma o le Faamasinoga Faaitumalo i Hamilton ma o i lea na ioeina ai e iai ona moliaga o le fasioti tagata faamoemoeina poo le fasioti tagata ma le loto i ai murder ma le 2 moliaga o le taumafai e fasioti tagata ma le loto iai attempted murder.
Ua tuuina atu e le loia le talosaga i le famasinoga e taofia ai le igoa o le alii o loo molia nei mai le faalauiloaina ma faasalalauina faalaua’itele, mo se taimi lē tumau.
Ma i le taualumaga o lenei matāupu, ua faatulaga nei e le Faamasino Justice Kiri Tahana le amata valaauina ai i luma o le faamasinoga i le masina o Aokuso, ma ua faatino ai foi se poloa’iga lē tumau i le faalauiloa ai o le suafa o lē o loo molia.
Ua faaalia foi e le itu o ē na aafia le tuuina atu ai o le talosaga i le lē faalauiloa ai o igoa o i latou na aafia i lea matāupu; permanent suppression le faasolo ai o iloiloga ma lipoti i le tulaga o le soifua mālōlōina o le mafaufau o lē o molia, na māua ai e lē o aafia le mafaufau a lenei alii i le taimi na tula’i ai lea faalavelave.
O loo molia ma ua taofia nei e leoleo, e talia ai le tuuina mai o le iuga a le faamasinoga i le masina o Setema.
Puna o Faamatalaga: https://www.newstalkzb.co.nz/news/crime/hamilton-homicide-man-admits-murdering-baby-trying-to-kill-a-woman-and-child/
