Ua nofo sauni se tamā ua matua le soifua i se faasalaga i moliaga o lona umia o se laaumalosi e le’i lesitalaina faaletulafono ma o lea ‘au’upega o le ituaiga o le 12.
O le isi ona moliaga o lona sauāina o meaola.
O le tamā o Falana’i o Apolima uta na molia e leoleo ina ua faaulu se tagi i lona faalalo o ni ta’ifau se lua a se aiga o le nuu, e mafua ona o le faamatalaga a Falana’i i le faamasinoga o ta’ifau na osofa’ia le meaituaolo a lana fanau ma mate ai.
Na ia faia le gaioiga ina ua uma ona osofa’i lana meaituaolo poo le pua’a.
O taualumaga o lenei matāupu sa tula’i ai lē e ana ta’ifau na faatama’ia i le laaumalosi ma faailoa i le faamasinoga ua mae’a ona faia se soalaupulega e tusa o le gaioiga na tula’i mai, ma ua faatulaga ai e le faamasinoga le aso 22 o Setema 2025 e tuuina atu ai se tolaulauga a leoleo ma aumai ai se faai’uga i se faasalaga.
