O Helani Telea sa galue o se kesia mo le faleoloa supamaketi a le kamupanī o Frankies i Utualii, ua tuli nei lona faasalaga e 37 masina poo le 3 tausaga ma le masina i le toese, ina ua ioe i moliaga a leoleo e mafua i le toesea o se vaegātupe e 56 afe selau luasefulu tolu tālā 46 sene o se meatotino a le kamupanī.

E lua gaioiga na faatino e lē ua nofosala ia Aperila o le tausaga ua mavae e fesoota’i i le solitulafono, lea na faaalia e leoleo i le faamasinoga na mafai ona maua ina ua su’eina tusi a le kamupanī mo le faleoloa supamaketi sa galue ai Helani.