A itiiti mai pe 290 tagata ua lipotia ua maliliu ina ua lavea le vaalele la’upasese a o aga’i ese mai le malaevaalele i Ahmedabad i Initia, fai mai sui o le soifua mālōlōina i lea atunuu o le vaalele sa fuafua e faimalaga i London ma sa aafia atu ai ma se nofotumau mo foma’i i le faaitu lea ina ua pa’ū tonu iai le vaalele.
O le faamatalaga a leoleo o i latou ua maliliu e aofia ai le pasese a le vaalele ma i latou sa i le vaega tonu na lavea ai.
O lipoti a le CNN ua ta’ua ai e 242 le pasese a le vaalele ma e to’atasi lava le tagata na faasaoina mai ma o se tagatānuu o Peretania.
O le vaalele o le ituaiga o le Boeing 787 Dreamliner a le Air India.
O loo faagasolo le su’esu’ega i le taimi nei i le mafua’aga o le faalavelave ma ua malaga atu foi iai le ‘ausu’esu’e mai Amerika ma Peretania e fesoasoani i le su’esu’ega.
Puna o Faamatalaga: https://edition.cnn.com/world/live-news/ahmedabad-india-plane-crash-06-12-25
