Ua maua e le ‘ausu’esu’e i Initia le voice recorder mai le pito i luma o le vaalele lea na tupu ai le faalavelave i le vaiaso talu ai, ma o se tasi lea o laasaga autu i le tau faamautūina o le mafua’aga tonu na tupu ai lea faalavelave i le vaalele a le Air India.
O le vaalele sa fuafua e malaga mai Initia i Lonetona ae faaletonu i le taimi na amata lele ese ai mai le malaevaalele i Ahmedabad ma maliliu ai le pasese atoa ae na o le to’atasi na faasaoina.
O le recorder poo le mea pu’eleo lea ua maua na te pu’eina uma leo i le pito i luma o le vaalele lea e iai pailate.
Ua maua foi e le ‘ausu’esu’e le flight data recorder lea foi e faamauina uma ai faamatalaga e faatatau i le lele a le vaalele, e aofia ai le saosaoa, o le tulaga na iai le afi aemaise le maualuga o le lele a le vaalele ma e manatu le to’atele atonu o le maua o ia vaega tāua e lua o le a tau ataata mai ai loa le mea tonu na tupu na afua ai lea faalavelave.
Puna o Faamatalaga: https://www.bbc.com/news/articles/ce818jlz5mlo
