Ua faasolosolo atu i le silia ma le 30 tagata ua maliliu mai le faalavelave na mu ma pa ai se falegaosi oloa le Sigachi Industries i le itu i Saute o Initia e pei ona faamaonia mai i lipoti aupito lata mai ma ua faamalosia ai le tapunia o lea auaunaga mo le 90 aso.
O le faaupuga mai le faigamalo a le setete o Telangana lea e iai le pisinisi lea e faapea ua faatūina nei se komiti e su’esu’eina lenei faalavelave ma lona mafua’aga.
O loo faamauina e 34 i latou na faamanu’alia ai foi ma o loo faia pea galuega i le nofoaga na tupu ai le faalavelave mo le faamautūina e lē o iai nisi soifua o tanumia ai.
O le faamatalaga mai leoleo ua ta’ua ai e 140 tagata na faigaluega i le nofoaga i le taimi na tupu ai le faalavelave ma o le to’a 25 ua faamaonia le maliliu ua mae’a ona faamautūina i latou ia a o faagasolo pea le su’esu’ega i isi.
O lea auaunaga latou te gaosia microcrystalline cellulose lea e faaaogā mo le gaosia o oloa e faatau i faletalavai aemaise foi nisi o vailaau mo atunuu e pei o Amerika ma Ausetalia.
Puna o Faamatalaga: https://edition.cnn.com/2025/07/01/india/sigachi-industries-chemical-factory-fire-blast-intl
