Ua tetee aiga ma mātua i aai o Initia e aofia ai ma le laumua o Delhi ona o pili o a’oga ua siitia ma ua matua’i faigatā ona ausia le totogiina.
Ua faailoa i lipoti a le BBC ua iai tamaiti ua lē mafai ona su’e i su’ega ina ua aveesea mai ma a’oga sa a’ooga ai ona o le lē totogiina o pili.
Fai mai o le lua masina talu ai sa faatino ai solo tetee i aai o Initia mai Delhi aga’i i Hyderabad.
E le’i maua e le BBC se finagalo faaalia mai le Matāgaluega o A’oga e tusa o nei matāupu ua lipotia ane e mātua ma o nisi mafua’aga o loo feta’ua’ina ua afua ai lea faafitauli ona o le inflation, siitia o totogi o lafoga ma le faatuai o le toe tuuina ane e le malo o tupe e toe faaola ane a tagata aemaise o galuega toe faaleleia i a’oga.
Finau ane foi nisi o pule a’oga e lē o latou o loo faia tulafono i pili o a’oga ae o le malo ma e ao ona faasagatonu iai solo tetee a mātua ma aiga o tamaiti a’oga.
Puna o Faamatalaga: https://www.bbc.com/news/articles/c2le1l0pv95o
