Na pu’eina e leoleo mai se tasi o motu mo tafaoga i Iapani ni tagata Saina se to’atolu ina ua maua iai le faitau afe o paa, hermit crabs ua nanā i totonu o atopa’u.

Fai mai o i latou ia e 24, 26 ma le 27 tausaga le matutua na maua iai uta ia o paa o loo ola ma o le motu o Amami e lata i Okinawa na maua ai.

Na faamatala e leoleo i le CNN o se tagata faigaluega i se faletalimalo i luga o le motu lea na ia logoina leoleo ina ua masalomia gaioiga a i latou ia i luga o le motu.

Fai mai na lagona lelei atu le pa’ō mai o totonu o atopa’u ma ina ua tatala atu e leoleo na maua ai le uta o paa ola ia i totonu o atopau e ono.

Na molia ai loa e leoleo ona o le tagofia o paa e aunoa ma se faatagaga.

O loo faaauau le su’esu’ega, ma ua faailoa foi o ituaiga paa ia e faailoga o mata’aga i Iapani ona o lo latou tāua faaleaganuu ma le faasaienisi foi ma e puipuia i lalo o tulafono a Iapani.

O le nofoaga na maua iai le to’atolu lea o se nofoaga taatele mo tulisi ma e tele ai laau ma meaola.

Puna o Faamatalaga: https://edition.cnn.com/2025/05/10/asia/japan-thousands-hermit-crabs-suitcase-intl-hnk