Fai mai leoleo Iapani sa o latou vaaia ni vaalele se lua a Saina i le Pasefika mo le ulua’i taimi i le vaiaso nei lava ma ua ta’ua ai se faamatalaga mai Tokyo e faapea ua iloa ai i’i le faalauteleina pea o gaioiga faamiliteli a Beijing poo Saina.
Lipotia e le ABC se faamatalaga mai Saina e faapea o vaalele ia o le Shandong ma le Liaoning carriers e na o le lua lava ma le isi o loo faata’ita’i i le sami e faia ai toleniga a le au avevaalele.
Peita’i ua saunoa le minisita o le puipuiga a Iapani e lē tatau ona faamata’u e ia vaalele le saogalemu o alavaa a Iapani aga’i i Beijing ma o le a mata’itū ma le toto’a e Iapani lea tulaga.
Toe tali mai iai le sooupu o le va i fafo a Beijing o gaioiga o loo faia a Saina ma ana vaatau i ogasami o loo faia ai o loo ogatasi lava ma aiaiga faavaomalo ma ua tatau ona toe silasila lelei Iapani i le matāupu lea.
Puna o Faamatalaga: https://www.abc.net.au/news/2025-06-10/japan-says-chinese-military-activity-expanding-in-pacific/105401494
