O loo galue malosi Iapani ina ia faatosina atu tagata mai fafo i lo latou atunuu ina ia toe faamalosia ai le tamaoaiga peitai o se tasi o manatu ua to’atele na’uā ia tagata ua afua ai le faatūina o se isi ‘au poo le task force e feagai ma lea tulaga a o loma ai le faigāpalota a le atunuu i le Aso Sa.
O le matāupu lea o loo i le lisi o matāupu faapolokiki ma o loo mata’itū e le to’atele i le āga atu i le faigāpalota.
O le Palemia o Iapani o Shigeru Ishiba na faalauiloaina le task force lea ma o Iapani le tamaoaiga lona fā pito i luga i le lalolagi ma e fai si malosi foi o ana faiga faavae tau femalagaa’iga.
Peita’i o le faatupula’ia pea o tagata matutua ma le faaitiitia o le aofa’i o pepe e fananau mai, ua amata ai nei ona mataala Iapani i tagata faigaluega mai fafo ma le sa’ilia o ni tulisi faavaomalo.
Ua faailoa e le CNN o le a ogaoga gaioiga e faia faasaga ia i latou e lē mulimulita’i i tulafono.
Puna o Faamatalaga: https://edition.cnn.com/2025/07/17/asia/japan-foreigner-taskforce-election-intl-hnk