Ua taunuu i Greenland le Peresetene o Farani, Emmanuel Macron i sana malaga asiasi aloa’ia ua fuafua e faamalosia ai le lagolago a le Atu Europa mo Greenland lea o loo finau pea e faamamao ese mai taumafaiga a le faigamalo a Trump e fia avea lea atunuu laitiiti ma se vaega o Amerika.

O Macron le uluai ta’ita’i mai atunuu i fafo ua asiasi atu i Greenland talu mai ona faia faamatalaga a Trump ma amata lana campaign i le ave faamalosia poo le faatau foi o Greenland, lea e fai mai a ia e mana’omia e Amerika Greenland mo tulaga tau le puipuiga.

Sa faailoa se finagalo o Macron i le matāupu i sana faatalanoaga i le Reuters ma ia faailoa ai o lona manatu e lē o ni tulaga ia e tatau ona faatino e ni allies poo atunuu e itu faatasi ma e tāua le finau pea o Denmark aemaise tagata Europa mo le faatumauina o Greenland o lo latou teritori.

Ua gaioi foi Denmark e faaopoopo le aofa’i o lana militeli i Greenland atoa ma tapenapenaga tau le malosi’aga e lē gata i le puipuiga i le laueleele ae faapea foi i le sami ma le ea.

Puna o Faamatalaga: https://edition.cnn.com/2025/06/15/europe/french-president-macron-greenland-visit-trump-intl