E tasi le aso o loo tapunia ai nofoaga e tufatufaina ai taumafa ma fesoasoani i totonu o Gaza ina ua lapata’i ane le militeli a Isaraelu o auala e aga’i atu ai i ia nofoaga ua vaai iai o ni nofoaga o taua.
O le Gaza Humanitarian Foundation poo le GHF lea e lagolago e Amerika ma Isaraelu na o latou faailoa i le autusitala o le a tapunia nofoaga ia mo galuega toe faaleleia.
Ae ua faailoa foi e le vaega o le puipuiga a Isaraelu le IDF ua faasā ona toe ulufale ni tagata i nofoaga ia e tufatufa ai fesoasoani pe uia foi auala e aga’i atu ai i ia nofoaga.
O le vaiaso nei lava a itiiti mai pe 27 tagata Palesitina na fasiotia e Isaraelu i vaega e lalata ane i nofoaga ia e pei ona lipotia mai e le vaega o le puipuiga a le Hamas.
Ua faailoa mai la e le GHF e faato’ā toe amata tufa taumafa i le Aso Tofi o le vaiaso nei ma ua faailoa foi e le CNN o se faafeagaiga e suafa ia Dr Johnnie Moore, e lagolago malosi ia Trump lea ua filifilia e faauluulu iai le GHF.
Puna o Faamatalaga: https://www.bbc.com/news/articles/cnv18gp4rdzo
