Ua faaauau pea ona iai i se tulaga faaletonu Gaza e pei ona faamaonia mai e le faauluuluga o le Komiti faavaomalo o le Koluse Mumu i le BBC.

I lea faatalanoaga na faia i Geneva na faailoa ai e le Peresetene o le Komiti lea a le Koluse Mumu, Mirjana Spoljaric ua tulaga faaletonu lava le vaaiga ua iai Gaza ma ua faasolosolo pea ina faateteleina lea tulaga.

Faailoa e le Peresetene e lē mafai ona faaauau ai pea faapea aemaise ua na o le vaaia o tagata i tulaga mafatia ma ua tatau lava ona faia se fuafuaga e faamuta ai ia tulaga pagatia ma ia maua se mapusaga.

Faailoa e Spoljaric e tofu le atunuu ma lana aiātatau e puipui ai i latou ma e soo se tinā foi e iai lana aiātatau e faamautinoa e toe faafoi atu lana fanau ia te ia ma e matua’i leai se avanoa o faiga ua ave faapagota ai tagata aemaise tamaiti ma le tuuina iai ni meaai, tulaga lelei tau le soifua mālōlōina ma le puipuiga.

O mea ia e ao ona puipuia ma faaaloalogia i taimi o vesiga ma matāupu faapea e oia ai le nofo filemu.

O loo finau mai le Peresetene ma le faalapotopotoga faavaomalo lea e i lalo o le maliega i Sineva poo le Geneva Convention ma unaia ai ta’ita’i o atunuu o loo aofia i le matāupu lea ina ia taofia ia fetauiga ma faia loa se suiga mo Gaza.

Puna o Faamatalaga: https://www.bbc.com/news/articles/cvgq0gy82wjo