E na o le fā tausaga o si teneititi mai Gaza ua lipotia ua uma lona ola i se falema’i i le ogatotonu o Gaza, e mafua mai ona o ni tulaga ua aafia ai e mafua mai i le fia’ai ma le leai o ni meataumafa e pei ona lipotia i se tasi o auaunaga tau le soifua mālōlōina.
Ta’ua e le CNN a itiiti mai pe to’a 76 tamaiti i Gaza ua maliliu ona o le fia aai, ae talu mai foi Oketopa 2023 na mafua ai vevesi i lea itu o le lalolagi.
Pe a fua i faamaumauga mai le WHO poo le ofisa o le soifua mālōlōina o le lalolagi, o le tele o ni faaletonu e tutupu talu ona taofia e Isaraelu le toe faaoo atu o taumafa ma uta i totonu o Gaza.
O si teineitiiti la o Razan Abu Zaher lea na uma lona ola, fai mai sa malosi ma soifua mālōlōina a o le’i tupu le taua i le va o Isaraelu ma Gaza.
Na ta’ua i le lipoti e 12 aso o iai Razan i le falema’i peitai ua faailoa mai ua afaina lava lona ola ona o faafitauli e pei ona ta’ua.
Puna o Faamatalaga: https://edition.cnn.com/2025/07/20/middleeast/gaza-girl-food-crisis-intl
