Ua faamaonia mai nei le galulue faatasi ai o le Vaega’au a Niu Sila poo le NZDF ma le Ofisa o le va i Fafo e taumafai atuni fesoasoani i tagata o loo i Iran ma Isaraelu i le taimi nei.
Ua faamauina o le aso ananafi, na amata aga’i atu ai le vaalele tau o le C-130J Hercules o le a aga’i atu ai nisi o sui o le NZDF i Sasa’e Tutotonu.
Ua faamauina i se tala lata mai, na aga’i ese le Royal New Zealand Air Force C-130J Hercules mai Aukilani mo Sasae Tutotonu, ae faamauina le tapenapena ai o nisi mo lea faaitu.
I faamatalaga mai le ofisa o le NZDF, o le aga’i atu o le vaalele a le atunuu, o taumafaiga nei a le malo ina ia fesoasoani atu i le to’atele o tagatānuu Niu Sila o loo faamauina le iai i totonu i aai o loo vātau ai pea Isaraelu ma Iran.
Ua faamanino foi le to’atele o sui o Niu Sila o loo aga’i atu e pei ona iai sui o le vaega‘au poo le ami a le atunuu e iai tomai faapitoa i le aveese mai o tagata mai i faafitauli ogaoga, o nisi e aofia i latou e iai tomai faapitoa i le soifua mālōlōina ma i latou e iai le tomai tau i le puipuiga.
Ta’ua e oo atu i le 175 sui o le NZDF o loo galulue nei ma ua fesoasoani e aga’i atu mo lea galuega tele o le taumafai e aumai ma le saogalemu tagatānuu Niu Sila mai Sasae Tutotonu.
Puna o Faamatalaga: https://www.nzdf.mil.nz/media-centre/story-collections/support-to-middle-east-deployment/
