O loo galulue nei le faalapotopotoga o le Soifua Mālōlōina a le lalolagi le WHO e toe suia le igoa o le faama’i o le monkeypox ona o nisi o popolega i ni manatu faailogalanu e faatatau i le vairusi ua alia’e i vaega eseese o le lalolagi.
Fai mai le 9News o le faamatalaga mai le WHO i le vaiaso nei ua ta’ua ai e le faatonu aoao Tedros Adhanom o loo galulue nei le faalapotopotoga ma ana paaga i le lalolagi i se igoa fou mo lea faama’i ma o le a faailoa mai sea igoa fou i se vave e mafai ai pe a faamautuina.
I se taimi e lei mamao atu na tuuina mai ai se faamatalaga mai le Foreign Press Association a Aferika e unaia ai le aufaasalalau i le lalolagi ia taofia le faaaogāina o ata o tagata Aferika e faamatilatila ai le pepesi o le faama’i i Europa.
