O loo vaavaai le malo e faatau ese atu le tusa ma le 200 ona fale o loo vaaia e le Kainga Ora, faapea e ta’i $2 miliona i le fale e tasi.
O saunoaga nei a le minisita o fale, Chris Bishop i le aso ananafi, ma o le fuafuaga foi lenei o le a faatau ese atu ai le tusa ma le 900 fale tuai i totonu o le tausaga.
O tupe o le a maua mai le faatau ese atu o fale nei o le a toe inivesi e fau ai nisi fale ma o le a fau i nofoaga e tau taugofie mai ma se’i fesoasoani ai i tala o le tupe a le Kainga Ora.
Na saunoa Bishop e matua’i lē fetaui ia te ia le umia e le Kainga Ora o fale ta’i $2 miliona tau i Remuera i Aukilani, ma i lona talitonuga e tatau ona inivesi i nofoaga o loo tele ai le mana’oga.
O loo lagolagoina e le Community Housing Aotearoa le toe iloilo o fale nei o le malo ma i lana molimau o le mea moni o loo matua’i moomia nisi fale faaopoopo, ona e lē o lava.
Puna o Faamatalaga: Kainga Ora ‘turnaround’ plan: Govt looking into sale of 200 homes worth about $2m each | RNZ News
