Ua manino i le saunoaga faaminisita a le Palemia i le Palemene i le Aso Lua, ua nofo sauni e faatino malosiaga o le tulafono faavae e faata’ape ai le Palemene ae toe faia se isi palota tele, pe afai ae lē faatuatuaina le malo.

E faasino le finagalo o le tamaitai Palemia i nisi o galuega a le malo o loo taoto e pei o teuteuga o le tulafono faavae e faasino i le Faamasinoga o Fanua ma Suafa, ma nisi o tulafono e pei o teuteuga o le tulafono o faigapalota ma le fuafuaga tau tupe mulimuli o le a folasia ia Me o le tausaga nei i le Palemene. 

Le afioga i le tamaitai Palemia, afioga Fiame Naomi Mataafa.

Ua faataatia nei i le laulau a fono a le Palemene lea saunoaga faaminisita mo le talanoaina i se taimi.