Ua faailoa mai i lipoti mai le French Polynesia le maua ai o se uta o fualaau faasāina e tusa lona tau ma le 331 miliona pauni i le itu i Mātū o Tahiti, maua i luga o se vaa na afe ane iai mai Mexico ma e talitonuina na fuafua e aga’i mo Ausetalia ui atu i Tonga.
Fai mai e 900 kilo o le cocaine na maua ai ma le 180 kilo o le ‘aisa.
Ua faailoa e le RNZ o le vaa ua toe faafoi atu i le motu autū o Tahiti i Papeete lea na matua’i su’esu’eina ai ma faaleaga.
O ta’ifau su’esu’e a leoleo na o latou mauaina ai isi fualaau faasāina mai le vaa aemaise se uta o fana ma pulu.
Fai mai le minisita o matāupu faalotoifale a Farani o le ulua’i taimi lea ua tula’i ai se tulaga faapea i le tala’aga o le French Polynesia ma ua faafetaia ai le galulue faatasi o ofisa su’esu’e e aofia ai le ofisa o le tiute a Farani faapea le vaega o nakoti a le atunuu.
E to’atolu alii sa i luga o le vaa i le taimi na maua ai ma o loo taofia uma e leoleo.
O loo faaauau su’esu’ega.
Puna o Faamatalaga: https://www.rnz.co.nz/international/pacific-news/568893/massive-cocaine-and-meth-haul-seized-on-yacht-in-french-polynesia-worth-euros-331-million
