O le Aso Lulu o lenei vaiaso na tuua ai e le vaa o le Ngahiraka Mai Tawhiti Tāmaki Makaurau e faimalaga atu mo Samoa.
O se faigāmalaga na ta’ua o le a saga faatuputeleina ai lo latou agaga fesoota’i ma o latou tua’ā mai anamua, aemaise o a latou tū ma aga i fanua i le Pasefika.
I ripoti na faaalia ai ua tele tausaga o tapena i latou o le ‘au folau; e pei ona o latou faaaogāina ai metotia ma tomai a o latou tua’ā ua mavae i auala e faatonutonu folau ai lo latou sā a o folau i luga o le vasa.
Faamanino o le aga’i atu o le Ngahiraka Mai Tawhiti o se pine faamau lea o le latou faaaogā pea o auala o aso anamua e folau ai, ae o le faalaua’iteleina pea o le latou malamalamaga i metotia a o tū ma aga faaleaganuu mo folauga.
Faaalia e i latou ua aga’i atu, o lenei malaga e lē na o se folauga ina ia oo i Samoa, ae o se folauga e saga faamausalī ai sootaga faaleaganuu, o le faatumauina o le iloa ma le malamalama i lo latou gagana aemaise o le iloa o lo latou faasinomaga o tupu’aga ma auala o feoa’iga a o latou tua’ā.
Puna o Faamatalaga: https://www.facebook.com/share/v/1BB8TfG5wQ/
