Na amata lava le taeao o le asō i le vaaia ai o le mau otaota poo lapisi o fola i luga o le auala i Sandringham Rd i Kingsland ina ua mū faafuase’i le loli lapisi na avatu ai le tele o nei otaota. 

Poo le itula o le ‘afa o le 5 i le taeao na valaau atu ai le ofisa o le tineimū ma faalavelave faafuase’i mo se fesoasoani.

Faamauina i ata o le matāupu, na māua ai le tele o otaota ua lafoa’i i autafa o le auala i fafo ane lava o le Eden Park. 

Faaali manino e le sui o le ofisa o le tineimū e lē masani ona tutupu faalavelave faapenei, ma e lē o iloa tonu le mafua’aga ua mū ai le loli lapisi. 

Ae na faamanino foi e le faatonu o le auaunga, sa faatino ma uia lava e le avetaavale aiaiga ma ta’iala e tatau ona fai pe a tulai mai se faalavelave faapea, o le sasaa poo le lafoa’i ese o lapisi e pei ona ia faia i le taeao analeila.

Puna o Faamatalaga: https://www.nzherald.co.nz/nz/smouldering-rubbish-dumped-on-sandringham-rd-kingsland-after-truck-fire/6Z65DXCC55DW7DF4LZQ5FTE2N4/