O le asō ua faailoa mai ai isi fuafuaga a le malo mo le kuata lona lua o lenei tausaga.

E 36 vaega eseese o loo fofola mai i le fuafuaga fou lenei ma e tatau ona ausia e lei uma le aso 30  o Iuni.

O lea ua uma fuafuaga o le 100 aso ma i saunoaga a le Palemia Christopher Luxon, o le manino ona faataatia o fuafuaga ma aso e tatau ona ausia ai o se faiga e faigofie ona galulue ma tulimataia pea mo le taunuuga manuia.

I lea lisi, o loo muamua mai ai paketi ina ia mautinoa e lē o alu ma’umau tupe ma o loo mulimuli mai ai suiga i lafoga e pei ona polomisi mai ai i le tausaga talu ai.

O loo iai foi le Attendance Action Plan mo aoga, faapea le faaleleia o auaunaga o loo tauala mai i matagaluega a le malo.