O loo iai pea i Kalaiesetete i Niu Sila se tasi o sui sinia o le faigāmalo a FitI o loo faaaunuua ai e ui o loo maua pea lona totogi tele.
Ua valaau ai nei le Palemia o Fiti, Sitiveni Rabuka i le alii o Christopher Pryde o se tagatānuu o Niu Sila ma o le faatonu foi o le Public Prosecution, o loo feagai ma tuua’iga i le lē aga’i atu i le galuega mo le toeitiiti 7 masina talu ona toe filifilia i le tofi.
Fai mai Rabuka talu mai le taimi lea, sa fiu ai e sa’ili ae o loo maua pea lona totogi e oo i le 184 afe tupe Niu Sila i le tausaga.
O lana tali e pei ona lipotia e le RNZ ua ta’ua ai o ia ua leva ona sauni e toe foi i galuega auā ua toeitiiti 2 tausaga o faamālōlō lē tumau pea o ia ae sa ia tusi foi i le Palemia ma faailoa iai ona popolega.
Ta’ua e le Palemia i le lipoti lava lea, o le a ia sa’ilia pe aisea na māfua ai le matāupu lea.
Puna o Faamatalaga: https://www.rnz.co.nz/international/pacific-news/567999/fiji-s-top-prosecutor-remains-in-self-imposed-exile-in-nz-while-earning-six-figure-salary
