E iai se maliega tau lakapi ua sainia nei i le va o Fiti ma Saina.
E pei ona agiga i lipoti a le RNZ o le sui mai le Fiji Rakavi Football Union, Jenny Seeto na sainia lea maliega ma le Peresetene o le China Rugby Football Association, Wang Yun.
O se pepa o faamatalaga mai le ofisa o le lakapi i Fiti ua ta’ua ai o le maliega ua sainia e aga’i sa’o lava i le siitia o le taaloga i atunuu uma e lua.
Fai mai a ia o le MOU poo le maliega lea e sili atu nai lo o se fasipepa ae o se ta’utinoga e fausia sootaga i le va o atunuu e lua e ala i le lakapi.
Mo Fiti o loo ofo mai e Saina avanoa tau faia’oga ma le taleni faatupula’ia ai le tomai ma toleniga ae mo Saina o loo ofo atu foi le silafia ma tulaga faafaia’oga e faavave ai le aga’i i luma o le taaloga i Saina.
Fai mai e lē tamau i le na o le lima tausaga le maliega ae o se faitoto’a i se faigāpaaga umi o le a faalauiloa atili ai tulaga tau le aganuu, faataunuuina o ni faamoemoega faavaomalo ma faamāfana atili le sootaga i le taaloga.
Puna o Faamatalaga: https://www.rnz.co.nz/international/pacific-news/563066/commitment-to-building-bridges-through-rugby-fru-and-china-sign-mou
