O le ta’ita’i o se kegi i Fiti e aofia i le feavea’ia o fualaau faasāina e pei o le aisa, ua faasala nei i le olaga atoa i le falepuipui.
Ua lipotia mai lea faai’uga a le faamasinoga mo le alii o Justin Ho e aofia ai ma le leai o se palola e agavaa ai mo le 30 tausaga.
O lē ua molia ma isi e to’avalu na faamaonia moliaga e faatatau i le uta tele o le fualaau faasāina sa maua e 4.1 tone, na maua e leoleo i le tausaga na te’a nei.
O isi la sa molia faatasi ma Justin Ho ua tuuina foi iai faasalaga faafalepuipui na fofogaina i le Faamasinoga Maualuga i Lautoka.
Molia uma i latou i le aveina ane i le atunuu ma le umia o le aisa mai ia Novema 2023 ia Ianuari 2024 i Nadi.
Puna o Faamatalaga: https://www.rnz.co.nz/international/pacific-news/571369/ringleader-of-fiji-s-biggest-drug-trafficking-operation-gets-life-sentence
