Ua filifilia John Sanday se tasi o sui sa iai o le Flying Fijians e avea ma ta’ita’ifono o le Iuni lakapi a Fiti faatasi ai ma se fono faatonu fou ua filifilia.
Ua sui tulaga le fono faatonu fou lea i le vaega sa iai muamua sa ta’ita’ifono ai Peter Mazey.
Fai mai le RNZ i le mae’a o le 20 tausaga o taimi lē mautinoa ma le mau fesili e faatatau i tupe a le Iuni lakapi ua tau fai talotalo uma iuni o le tula’i mai o le fono faatonu fou lea o le a una’i atili ai le faalauteleina o le lakapi a Fiti.
Ta’ua e Sanday i le faatalanoaga ma le RNZ Pacific ua fiafia i le lu’itau fou ua feagai nei ma ia mo le una’ia o le taaloga i le atunuu ma o lana taula’iga autū o iai nei o se faatonu o le faalogo lea ma auauna aemaise lava i lu’itau o loo feagai ma sui o le iuni.
Puna o Faamatalaga: https://www.rnz.co.nz/international/pacific-news/537864/new-board-of-trustees-tackles-the-challenge-of-running-fiji-rugby
