Ua amata nei le faamasinoga i le Faamasinoga Maualuga a Fiti i se matāupu e aofia ai lona faavae.
O le matāupu na tuuina ane mai le malo e faatatau i le faia o suiga i le faavae 2013.
O loo sa’ilia tonu e le faigāmalo le finagalo o le Faamasinoga Maualuga i le faauigaina ma le faatinoina o le Vaega 159 ma le 160 o le faavae o le atunuu lea e aofia ai le matāupu e faatatau i le suia o le faavae.
O faamasino o loo feagai ma le matāupu e faauluulu i le Faamasino Sili o Salesi Temo ma aofia ai ma isi faamasino sinia.
Ua lipotia e le Fiji Times o le to’atele o loia sa finauina le matāupu lea i lona ulua’i tagofia i lenei vaiaso sa o latou finau o le Faavae 2013 e lē faatulafonoina.
Ae o loo finau ane le loia Ausetalia o loo tula’i mo le setete, Bret Walker SC, o loo iai nisi o vaega o le faavae lea e lē mafai ona faia iai ni suiga e tusa lava poo ā ni fetuuna’iga e faia e le Palemene.
O loo faaauau le faamasinoga i le asō.
Puna o Faamatalaga: https://www.rnz.co.nz/international/pacific-news/570371/fiji-s-supreme-court-hears-case-on-amending-2013-constitution
