O le fuafuaga a le faigāmalo a Fiti e faatū se embassy poo so latou ofisa i Isaraelu, ua saunoa le Palemia o le atunuu, o le faai’uga ua faia e le malo ae lē o se faai’uga faalelotu.
E tele faitioga ua aga’i i le folafolaga lea a le malo o Fiti e faatūina se ofisa o le malo i Ierusalema.
O le Aso Faraile la talu ai sa faamaonia ane ai e le malo o le Palemia, Sitiveni Rabuka o le a ta’ita’ia se aumalaga aloa’ia i Isaraelu i le aso 17 o le masina nei lava.
Fai mai Rabuka o lea malaga o le a faalautele ai nisi o mana’oga o iai o Fiti i lea faaitu e ui o loo faaleo atu iai le lē fiafia o nisi o faalapotopotoga tuma’oti ma le Itu Agai.
Fai mai Rabuka o Fiti o se sui o Malo Aufaatasi e faapea foi ma Isaraelu ma e faatū foi o latou ofisa i soo se nofoaga lava e taliaina ai i latou, o le filifiliga ua faia o le filifiliga a le malo ae lē o se faai’uga ua faia e se ekalesia.
Puna o Faamatalaga: https://www.rnz.co.nz/international/pacific-news/572621/it-s-a-government-decision-fijian-pm-defends-jerusalem-embassy-plan-despite-criticism
