E talitonu se tasi o tagata faasalalau i matāupu faapolokiki i Fiti e i’u ina tula’i mai Ratu Tevita Mara i le tofi Palemia o le atunuu i le lumana’i pe afai e mautū ona tulaga faamatai.
Ua lipotia e le leitio faavaomalo a Niu Sila o loo iai nei le Tupu ma le Masiofo o Tonga i Fiti e faamanatu le tuuina o le ulua’i title poo le suafa ia Ratu Tevita o le alo o le Palemia muamua o Fiti o Ratu Sir Kamisese Mara.
O Ratu Tevita sa avea ma ta’ita’i’au i le militeli a le atunuu ma sa sola i Tonga i le vaitau o le 2011 ma faaaunuua ai i le taimi o pulega a Bainimarama i Fiti.
Sa faasā foi e le faigāmalo i lea taimi ona toe foi ane i le atunuu.
E manatu la le polofesa mai le Iunivesite o Canterbury Steven Ratuva, o le suafa matai lea ua tuuina ia Ratu Tevita o le a faataatia ai le ālafua i lona aga’i atu i upufai a lona atunuu.
Puna o Faamatalaga: https://www.rnz.co.nz/international/pacific-news/566423/political-dynamics-in-fiji-are-unpredictable-will-ratu-tevita-mara-step-into-politics
