Ua faamaonia mai e iai se tamaitiiti ua uma lona ola ona o le gasegase o le meningococcal i Fiti.
Ta’ua i le Radio NZ e to’afā i latou na faamaonia le aafia i totonu o le tolu vaiaso talu ai, e aofia ai ma tamaiti e to’alua.
O le gasegase lea o le meningococcal o se gasegase ogaoga, o se siama e ogaoga aafiaga i le soifua o le tagata.
O ona āuga masani e aofia ai le fiva, tiga o le ua, tau lē malamalama ma manino le mafaufau i nisi o taimi, e tigā le ulu, tigā mata i le mōlī, faasuati se’i tulou.
Fai mai le matāgaluega o le soifua mālōlōina a Fiti e ui e lē o iai ni faamaoniga o se tulaga pepesi tele ua iai mai lea faama’ ae mana’omia lava ona faailoa aafiaga o le gasegase ma taumafaiga e foia ai.
I le 2019 na fautuaina ai tagata Fiti ia taofia le faasoaina o le ipu ‘ava e tasi e taumafa ai le ‘ava ina ia puipuia mai le pepesi ai o le meningococcal.
I Aotearoa e 364 i latou na aafia i le faama’i lea i le va o le 2019-2024 ae to’a 21 i latou na maliliu ai.
O le to’atele o ē na aafia o tagata Maoli ma le Pasefika.
Puna o Faamatalaga: https://www.rnz.co.nz/international/pacific-news/562378/child-dies-from-meningococcal-disease-in-fiji
