E lē mafai ona tauva mai Fiti ia Ausetalia ma Niu Sila ina ia faatumauina ana faia’oga, o le saunoaga lea mai lē o loo faauluulu iai tulaga tau tupe a Fiti.

Ua ta’ua i lipoti a le RNZ le feagai o le Matāgaluega o A’oga a Fiti ma lu’itau i le tulaga faaitiitia o faia’oga.

Fai mai le Minisita o Tupe ma o le Sui Palemia foi o Fiti o Biman Prasad, e ui e maua e le matāgaluega se vaegatupe e $587 miliona tālā Niu Sila mai lana paketi peitai e lē gafatia ona o le to’atele o faia’oga ua aga’i atu i atunuu o loo maua ai faamanuiaga e sili atu.

Ua fai mai o loo toleni nisi faia’oga fou a le atunuu peita’i o le to’atele o faia’oga ua lusi atu ia Niu Sila ma Ausetalia ma e lē mafai e Fiti ona faafetauia totogi o loo ofo ane e ia atunuu mo ana faia’oga.

Ua ta’ua i le lipoti o le taimi nei o loo faia foi se iloiloga a le matāgaluega i lana tulafono o A’oa’oga poo le Education Act 1966.

Puna o Faamatalaga: https://www.rnz.co.nz/international/pacific-news/562163/fiji-can-t-compete-with-australia-and-nz-on-teacher-salaries-deputy-pm