O leoleo e to’alua mai Fiti faapea se tagata faigaluega i le ofisa o le tiute faapea se isi tagata malaga atu mai fafo o Fiti, o i latou ia ua atoa iai le to’afitu o tagata ua molia i le taumafai e ave atu faananā i totonu o Fiti, fualaau faasāina o le aisa poo le methamphetamine i le atunuu o Fiti.

Fai mai le RNZ na maua ia fualaau faasāina mai se uta na avatu i se vaalele ma faataunuu i le malaevaalele i Nadi ma na maua i se galuega su’esu’e fai faatasi a leoleo a Fiti ma le ofisa o tupe ma le tiute.

O loo faaauau le su’esu’ega i le taimi nei ae o ē ua molia ua toe tolopo atu le valaauina o le matāupu i le faamasinoga i le Aso Lua o le vaiaso fou i le Faamasinoga Maualuga.

Puna o Faamatalaga: https://www.rnz.co.nz/international/pacific-news/562232/fiji-police-and-customs-officers-among-those-charged-in-meth-smuggling-attempt