Ua faailoa se popolega o le Matāgaluega o le Soifua Mālōlōina a Fiti i le faatupula’ia pea o le aafia o tamaiti i le siama o le HIV lea ua ta’ua ua maliliu ai le to’afā o ē sa aafia.
Saunoa le foma’i o Dr Miriama Thaggard mai le falema’i i Labasa o le isi matāupu na aafia ai se tamaitiiti sa vave lava ona vaaia le tulaga faaletonu i lona soifua mālōlōina, sa o latou manatu o le HIV o loo aafia ai, faia loa su’esu’ega ma faamaonia ai.
Fai mai e oo mai i le aso 27 o Me ua 19 cases faapea ua oo atu i le falema’i ma ua una’ia ai e le matāgaluega le faia vave o test e faamautinoa ai poo aafia tamaiti i le HIV.
Sa faalauiloa talu ai e le matāgaluega, o Ianuari na pa’ū ai le tupe poo le funding mo polokalame e faatatau i le HIV i Fiti.
Puna o Faamatalaga: https://www.rnz.co.nz/international/pacific-news/562537/concern-about-hiv-cases-in-fiji-children-after-four-deaths
