Ua tā’ape usugafono o le fono tele lona 150 a le Ekalesia Faapotopotoga Kerisiano Samoa sa usuia i le laumua o le ekalesia i Malua i le lua vaiaso ua mavae, ma ua tula’i mai i le taualuga o le fono tele o lenei tausaga ua tusi aao le fono tele i ni ta’ita’i fou e tauave tofiga o le Sui Ta’ita’ifono ma le Ta’ita’ifono aoao.

O le susuga i le faifeau toeaina o le aulotu EFKS i Samalaeulu i Savaii susuga Palemia Tauiliili Reupena ua tusiaao iai le fono tele i le palota e see atu i le tofi Sui Ta’ita’ifono.

O se faafeagiga sa tauva i faiga filifiliga mo lea tofiga i nisi o fono tele ua mavae ae o lea ua tau lau o le faamoemoe.

O le a see atu e tauave le tofi Ta’ita’ifono o le ekaleaia aoao i le fono tele o le tausaga fou, ae o le taimi nei o lea ua amata i le tofiga Ta’ita’ifono le susuga i le faifeau toeaina susuga Enefatu Lesā o loo galulue i le tausiga o le aulotu EFKS i Tanoalei’a i Vaivase uta.

Sa filifilia i le tofi Sui Ta’ita’ifono i le amataga o le fono tele i le Aso Gafua ua mavae.