O le tausaga fou e pei ona faailoa i se lipoti a le Samoa Global o le a talimalo ai Samoa i lea taamilosaga tele a le lalolagi ma o se taimi muamua foi lea o le a faia mai ai i lo tatou atunuu.
O le maualuga o le tulaga o Samoa o se atunuu laitiiti i le lalolagi, i le atina’e o le taaloga siisii u’amea mamafa ua filifilia ai e talimalo i le taamilosaga o le sa’iliga o le siamupini o le Ipu a le Lalolagi i le siisii u’amea mamafa, le 2026 International Weightlifting Federation (IWF) World Cup, o le a faia mai le aso 23 Aperila e oo i le aso 2 Me 2026.
O lea taamilosaga tele a le lalolagi i le taaloga siisii u’amea mamafa sa talimalo ai le atunuu o Thailand i le tausaga na te’a nei 2024.
