O nisi o alo ma tamafanau lauiloa a Samoa i le musika ma le taleni pese o Sam Ah Chookoon poo Mr Cowboy ma le tama’ita’i o Tofaga Meke, ua filifilia ma nisi o alii ma tama’ita’i talenia i le musika mai le Pasefika e faafiafia i le koneseti a le leitio faasalalau a le malo o Ausetalia le ABC Radio, e faia i le afiafi o le Aso Faraile lenei i le Friendship Park i tuāmaota o le malo i le eleele fou i Apia.
O lea koneseti ua tatala ai i Samoa le tauvaga pese ma musika a le leitio a Ausetalia mo lenei tausaga ua faaigoaina o le Pacific Break.
O alii pepese mai Fiti ma Solomona ma se tama’ita’i mai Papua Niu Kini sa manumālō i lea tauvaga i tausaga ua tuana’i.
Audio cut : Mr Cowboy and Tofaga Meke
Alo talenia i le musika aemaise i o la si’ufofoga mālie, Sam Ah Chookoon poo Mr Cowboy ma le tama’ita’i o Tofaga Meke.
E ulufua uma tagata i le koneseti ae e matuā faasāina le ‘avamalosi ma fuaaau faasāina.
E mautinoa o le a iai ma le galuega a leoleo mo le malu o le puipuiga o lea faafiafiaga poo le koneseti o pese ma musika.
