I le tausaga e 2016 sa tofia ai e avea ma Loia Sili a le malo o Samoa le afioga Lemalu Hermann Retzlaff, e fā tausaga sa galue ai lea tamalii i le tofiga ma ia tuua ai ae toe taliu atu i Niu Sila, ma galue o se Crown Prosecutor mo le Kayes Fletcher Walker i le 2020.
O le tausaga e 2021 na tofia ai e avea ma Public Defender a Waitakere, ua toe galue ai i le auaunaga a le Public Defence Service seia oo ina tofia e avea ma New Zealand’s National Public Defencer, ma sa ia vaaia lālā e 10 lālā o loo iai Dunedin e oo mai i North Shore i Aukilani.
Peitai o lea ua faailoa faalaua’itele mai lona filifilia e avea o se tasi o Faamasino o le Faamasinoga Faaitumalo a Niu Sila a o galue ai o se loia i totonu o Aotearoa.
O le aso 19 o Me e pei ona faailoa i se pepa o faasalalauga, o le a faatauto ai le afioga ia Lemalu faatasi ma isi faamasino e to’alua ua filifilia, ma o le a galue Lemalu o se Faamasino i le Faamasinoga Faaitumalo i Dunedin.
