Ua faailoa e le ofisa o le malo o Amerika i Apia le amatalia o le galuega fesoasoani a lea malo; o le faaleleia o nisi o vaega o le faleaoga ma le fausia o ni faleui fou mo le aoga tulaga-lua o le afioaga o Magiagi.
O nisi o fitafita o lea malo e iai tomai ile fausia o fale o le a faia le galuega. O le fesoasoani ua ta’ua o le Pacific Partnership a lea malo ua auala mai ai lea galuega lelei e toe fa’aleleia ai le itu i le soifua maloloina o fanau a Magiagi o loo a’oa’oina i le latou aoga tulaga lua.
Faaalia e le fitafita Lutena o Jeffrey Moore i se pepa o faamatalaga, o le latou auaunaga i le fa’aleleia o faleui ma isi vaega o le faleaoga ose auaunaga taua e siitia ai le ola maloloina lelei o fanau.
Sa auai le sui o le malo Amerika e faamautu i Samoa ma le Sui Faatonu sili o le Matagaluega o Aoga ma Aganuu i le amatalia o lea galuega fesoasoani.
