O tama taaalo iloga o le lakapi liki poo le NRL ua tuu ane o latou tau’au e fesoasoani ai i leoleo i NSW i le tali atu ai osofaiga ma soligatulafono a talavou i le faaitu o Moree i NSW lava.
O alii taaalo o le Rabibitohs o Latrell Mitchell ma Cody Walker lea ua agai ane o ni mentors mo tamaiti i le vaega o se polokaame a leoleo ua faaigoaina o le Operation Pathfinder.
O le pule o le lakapi liki, Peter Vlandys e ana le finagalo lea e fesoasoani iai ma nisi o leoleo sinia.
Fai mai Vlandys o le a o latou ave ae tama taaalo liki i Moree e fesoasoani i lenei taumafaiga ma poo fea lava e mafai ai ona fesoasoani nei alii taaalo i le taofia o nei soligatulafono o le a faapea lava ona faatino.
O le tele o soligatulafono i lea faaitu e aofia ai le gaoia o taavale, osofaia o fale ma le gaoia o nisi o nofoaga.
Fai mai Lattrell ma Walker o le lakapi liki e pei o se tapuaiga i komiuniti ia indigenous ma o le a tele se fesoasoani lelei o le latou foi pitolaau i lenei taumafaiga.
