O loo i Samoa se ‘aumalaga a fanau a’oga o le Kolisi Maualuga a Malisi, poo le Marist College mai Niu Sila, o loo faasolo ai sa latou malaga taamilo i le atunuu ua faaigoaina o le “Malaga Tautua” tour.
Ma e tusa ai ma polokalame a le ‘aumalaga, na faamauina ai le asia e fanau a’oga, o le Toomaga mo ē Puapuagatia le SVSG aemaise le asia ai o le Nofoaga o loo iai fanau ua aafia i sauāga eseese i le atunuu le Campus of Hope.
Ua faailoa foi le maua o le avanoa o fanau a’oga o le kolisi maualuga e asia ai le faleoloa a le Nofotane Gift Shop, i le ofisa autū i Apia.
Ma e tusa ai ma polokalame a le Kolisi ua ta’ua ai o le asō o loo faatino ai so latou meaalofa e ala i le tuufaatasia ai o se aso fiafia mo fanau o le Campus of Hope e tauala atu i se faatasiga i le matāfaga, poo le beach fun day.
O se tasi o vaega o le anavatau o le tautua.
Na faafetaia e le faalapotopotoga le afea ai e le kolisi o le latou ofisa ma le faailoa o le latou agaga fesoasoani ma le tautua e ala i le alofa i fanau ma tinā o loo aafia i sauāga i totonu o Samoa.
Faamauina e lata i le 30 fanau aoga ma faia’oga o le Kolisi o Malisi mai Niu Sila na aga’i mo lea malaga taamilo o le “Malaga Tautua” tour.
Puna o Faamatalaga: SVSG Samoa
