O le 31 o nofoa ua manumālō ai le Faatuatua i le Atua Samoa ua Tasi ma fausia ai le faigāmalo fou ua mae’a ona faatauto i luma o le afioga i le Ao o le Malo ma le paea’iga 18 a le Palemene, ua faaalia e le ta’ita’i o le pati faaupufai ua tumalo nei i le mae’a o le faigāpalota tele, o le naunauta’iga ia maua se numela o nofoa e mafai ai ona pasia nisi o tulafono tetele lea e mana’omia ai le lua vae tolu.
O sui faipule tuto’atasi o itumalo o Siumu ma Vaisigano 2 na faaalia e le susuga Laaulialemalietoa Leuatea Polataivao Fosi Schmidt, sa oo atu peita’i sa ave iai le fautuaga afai e fia avea ma sui lagolago o le latou vaega faaupufai, e ao ona aloa’ia i le faamavae ma tofi faipule o o la itumalo ae foi e toe faia palota laiti e pei ona sa faatino e le sui faipule o Vaa o Fonoti, Faleata 4, ma Siumu i le paea’iga 17 a le Palemene.
Le afioga i le Palemia o le ta’ita’i foi o le vaega faaupufai o le Faatuatua i le Atua Samoa ua Tasi, susuga Laaulialemalietoa Leuatea Polataivao Fosi Schmidt.
