I le vaaia ai o foliga pagātia ma le aafia ai o Ausetalia i lōlōga ma timuga mamafa, ua faamauina le ono aafia ai o nisi o itu o Niu Sila nei, i lōlōga ma vaaia le pā pā o faititili tetele ona o uiga louloā o le tau mai Ausetalia.
E talitonu le Ofisa o le Vaaitau, o vaega o loo vaaia ma fetaia’i ma Ausetalia o le a faalogoina ma vaaia le oo mai i le atunuu.
Ma ua fautuaina ai le itu i Saute ma nisi o vaega o Niu Sila e mata’itūina uiga loulouā o le tau.
Ua māua i lipoti o le a vaaia le aafia tele o nofoaga e tū lalata i le sami i faaitu i Sisifo o le atunuu.
Ua tuuina mai nei lapata’iga ma fautuaga o timuga mamafa ma lōlōga, ma ua fautuaina ai foi tagata feoa’i ina ia mautinoa le saogalemu e faamuamua i taimi o aafiaga faalenatura.
Puna o Faamatalaga: https://www.rnz.co.nz/news/national/562114/weather-rain-and-wind-warnings-watches-for-southern-and-central-parts-of-new-zealand
