Ua filifilia nei e le alii Peresetene o Farani o Emmanuel Macron le minisita o le puipuiga o Sebastien Lecornu e fai ma Palemia o le atunuu, ma ua tuuina atu iai le matāfaioi o le taumafai e sa’ili se maliega e mafai ona tasi iai le Palemene ua fevaevaea’i ma faapasia le tala faatatau o le tupe 2026.
O le amataga mai o le vaiaso ua faailoa i lipoti a le CNN o le Palemia sa iai o Francois Bayrou na tuuina ane lana faamavaega ma taliaina e Macron.
Fai mai lipoti na faamalosia le alu ese ae faato’ā iva masina talu ona tula’i mai i le tofi, e māfua ona o le lē mafai ona ia kilivaina folafolaga sa faia aemaise lava e faatatau i le tamaoaiga o le atunuu.
A o le’i faatinoina le palota lē faatuatuaina i le Palemia lea sa ia faailoa i le Palemene o le aveesea o ia o le a lē maua ai se tali o faaletonu o loo feagai ma le atunuu.
Mo le Palemia fou la ua feagai nei ma le lu’itau e taumafai ai se tali mo faafitauli tau tupe a le atunuu aemaise o le tali atu i le tele o le mau solo tetee e faia mai faasaga i le malo.
Puna o Faamatalaga: https://edition.cnn.com/2025/09/09/europe/sebastien-lecornu-france-prime-minister-latam-intl
