E manatu le Peresetene o Farani, Emmanuel Macron e mana’omia le militeli a Europa e auai i le leoina o le filemu i totonu o Ukraine i le lumana’i.
Fai mai Macron e mana’omia se ami malosi a Ukraine ma e mana’omia foi nisi e fesoasoani i le faatinoina o gaioiga i le laueleele ma e ao ona fesoasoani atu allies poo uo a Ukraine i le matāupu lea.
Ua faataunuu le talanoaga a Trump, Zelensky ma ta’ita’i o Europa e pei ona fuafuaina i le asō ma ua faailoa ai e Macron ua malie ane Trump e mafai ona tuuina sā poo sanctions i luga o Moscow pe afai e lē gaioi e pei ona malilie iai ma ua mae’a foi ona faia e Trump ni sā poo sanctions ia Initia ona o lo latou faatauina o le malosi’aga mai Lusia.
Fai mai Macron e lē o mautū lona manatu e mana’o Lusia i se filemu ma ua mae’a foi ona faailoa atu e ta’ita’i o Europa ia Trump e lē oo atu i ni vaiaso poo ni masina le taumafaiga ia maua se maliega o le filemu.
Ua ta’ua i isi lipoti na valaau Trump ia Putin a o faia le la fonotaga ma Zelensky ina ia faatulaga se fonotaga mo i latou uma e to’atolu.
Puna o Faamatalaga: https://www.bbc.com/news/live/cev28rvzlv1t
